Суперлиганинг 25-тури доирасида тўқнаш келадиган рақибимиз "Навбаҳор" билан умумий ҳисобдаги 26-тўқнашув остонасидамиз.
Бунга қадар наманганликлар билан жами 25 маротаба дуч келганмиз. Ўзаро ўйинлардаги натижаларда тарози палласи бизнинг фойдамизда. Ўтказилган учрашувларнинг 11таси бизнинг ғалаба билан якунланган бўлса, 7 баҳсда дуранг қайд этилган ва 7 бор рақиб ютуққа эришган. Тўплар нисбатида ҳам кичик устунлик биз томонда: 35-33.
Айни пайтда турнир жадвалига эътибор қаратадиган бўлсак, рақибимиз "Навбаҳор" 24-турдан кейин 33 очко тўплаган ҳолда 8-поғонада бормоқда. Жамоамиз эса 45 очко билан 3-ўринда.
"Навбаҳор"га қарши сафардаги ўйинни бошқариш масъулияти Аҳрол Рисқуллаевга топширилган.