Hamyurtimiz Eldor Shomurodovning agenti, ProSport Management vakili Qahhor Mo‘minov mijozining manziliga aytilgan tanqidga o‘z munosabatini bildirdi.
Taniqli futbol agenti Marko Trabukki yaqinda 25 yoshli hamyurtimizning transferini italiyaliklar uchun omadsiz deb atagandi.
«Ehtimol, Marko yaxshi mutaxassisdir, lekin u futbolni kam tomosha qiladi va u haqda kam tushunchaga ega. U o‘zini italiyaliklar uchun futbol mutaxassisi sifatida namoyon qilmoqda.
Eldor ko‘nikish bosqichida, afsuski, uch haftani jarohat sababli o‘tkazib yubordi. O‘tgan kuni "genuya derbi"sida asosiy tarkibda maydonga tushdi va yaxshi o‘yin namoyish etib, Skamachchi kiritgan birinchi golda ishtirok etdi. Jamoa muhim o‘yinda g‘alaba qozondi. Kundalik hayotda hammasi joyida, u italyan tilini o‘rganmoqda. Umuman olganda, hammasi reja ostida ketmoqda», – dedi Mo‘minov.
