O‘zbekiston chempionatining 25-turidan o‘rin olgan «Lokomotiv» va «Paxtakor» jamoalari o‘rtasidagi o‘yin "Paxtakor" markaziy stadionida bo‘lib o‘tdi. Unda Arveladze shogirdlari kichik hisobda g‘alaba qozonishdi.

Bahsning 38-daqiqasida olis masofadan yetkazilgan uzatma natijasida Sergeev darvozabon bilan yakkama-yakka vaziyatga chiqdi. Igor yo‘l-yo‘lakay posbon Ilyosovni aldab o‘tdi va bo‘sh qolgan darvozani ishg‘ol qildi.

O‘yin davomida "Paxtakor" posboni Sanjar Quvvatov "temiryo‘lchilar" tomonidan yo‘llangan bir nechta xavfli zarbalarni qaytarishga muvaffaq bo‘ldi.

Shu tariqa, "sherlar" navbatdagi g‘alabani qo‘lga kiritishdi. O‘yindan keyin ularga chempionlik kubogi topshirildi.

Superliga. 25-tur. 16:15
"LOKOMOTIV" — "PAXTAKOR" - 0:1 (0:1)
Gol: Igor Sergeev (38)
"Lokomotiv": Ilyosov, Maxaradze, Afonin, Pogrebnyak, Amonov, G‘ulomov, Alijonov, Muhammadiyev, Fayziyev, Jumaboyev, Ibrohimov.
Zaxira: Nortojiyev, Abdumo‘minov, Shaymanov, Bikmayev, Abramov, O‘lmasaliyev, Komilov, Qilichev, Turopov.
"Paxtakor": Quvvatov, Sayfiyev, Anzur Ismoilov, Krimes (S), Komilov, Abror Ismoilov, Sobirxo‘jayev, Hamdamov, Cheran, Masharipov,  Sergeev.
Zaxira: Suyunov, Abdullayev, Sobirjonov, Erkinov, A’zamov, Xolmatov, Derdiyok, Sidiqov.
Hakamlar: V.Serazetdinov, S.Nishonboyev, A.Abdullayev, N.Qosimov.
Nazoratchi: B.Namozov.
Komissar: B.Aripov.