Ўзбекистон чемпионатининг 25-туридан ўрин олган «Локомотив» ва «Пахтакор» жамоалари ўртасидаги ўйин "Пахтакор" марказий стадионида бўлиб ўтди. Унда Арвеладзе шогирдлари кичик ҳисобда ғалаба қозонишди.

Баҳснинг 38-дақиқасида олис масофадан етказилган узатма натижасида Сергеев дарвозабон билан яккама-якка вазиятга чиқди. Игорь йўл-йўлакай посбон Илёсовни алдаб ўтди ва бўш қолган дарвозани ишғол қилди.

Ўйин давомида "Пахтакор" посбони Санжар Қувватов "темирйўлчилар" томонидан йўлланган бир нечта хавфли зарбаларни қайтаришга муваффақ бўлди.

Шу тариқа, "шерлар" навбатдаги ғалабани қўлга киритишди. Ўйиндан кейин уларга чемпионлик кубоги топширилди.

Суперлига. 25-тур. 16:15
"ЛОКОМОТИВ" — "ПАХТАКОР" - 0:1 (0:1)
Гол: Игорь Сергеев (38)
"Локомотив": Илёсов, Махарадзе, Афонин, Погребняк, Амонов, Ғуломов, Алижонов, Муҳаммадиев, Файзиев, Жумабоев, Иброҳимов.
Захира: Нортожиев, Абдумўминов, Шайманов, Бикмаев, Абрамов, Ўлмасалиев, Комилов, Қиличев, Туропов.
"Пахтакор": Қувватов, Сайфиев, Анзур Исмоилов, Кримец (С), Комилов, Аброр Исмоилов, Собирхўжаев, Ҳамдамов, Черан, Машарипов,  Сергеев.
Захира: Суюнов, Абдуллаев, Собиржонов, Эркинов, Аъзамов, Холматов, Дердийок, Сидиқов.
Ҳакамлар: В.Серазетдинов, С.Нишонбоев, А.Абдуллаев, Н.Қосимов.
Назоратчи: Б.Намозов.
Комиссар: Б.Арипов.