Angliyaning "Lester" klubi bosh murabbiyi Brendan Rojers "Fulxem" bilan bo‘lib o‘tgan muvaffaqiyatsiz o‘yindan so‘ng intervyu berdi.
«Birinchi bo‘lim umidsizlikni keltirib chiqardi, biz har tomonlama yaxshi o‘ynay olmadik. Jamoam himoyada xatolarga yo‘l qo‘ydi, Premer-ligada bunday o‘ynash mumkin emas. Ikkinchi bo‘limda biroz yaxshiroq o‘ynadik, ammo yakunda yetarlicha ijodkorlikni namoyish qila olmadik. "Fulxem" haqli g‘alabani qo‘lga kiritdi.
Qiladigan ishim juda ko‘p. O‘zimizga haddan tashqari ishonish uchun yetarli asosga emasmiz. "Fulxem" tarkibida qarshi hujumda yaxshi o‘ynaydigan futbolchilar bor. Bundan tashqari ular bizdan ko‘ra ko‘proq dam olishdi - payshanba kuni biz Yevropa Ligasi o‘yinini Portugaliyada o‘tkazdik.
Murabbiylar shtabimiz vaziyatni tahlil qiladi va futbolchilarimizning kamchiliklari ustida ishlaymiz. Oldinda ko‘plab uchrashuvlarimiz bor», - dedi Brendan Rojers.
