Англиянинг "Лестер" клуби бош мураббийи Брендан Рожерс "Фулхэм" билан бўлиб ўтган муваффақиятсиз ўйиндан сўнг интервью берди.

«Биринчи бўлим умидсизликни келтириб чиқарди, биз ҳар томонлама яхши ўйнай олмадик. Жамоам ҳимояда хатоларга йўл қўйди, Премер-лигада бундай ўйнаш мумкин эмас. Иккинчи бўлимда бироз яхшироқ ўйнадик, аммо якунда етарлича ижодкорликни намойиш қила олмадик. "Фулхэм" ҳақли ғалабани қўлга киритди.

Қиладиган ишим жуда кўп. Ўзимизга ҳаддан ташқари ишониш учун етарли асосга эмасмиз. "Фулхэм" таркибида қарши ҳужумда яхши ўйнайдиган футболчилар бор. Бундан ташқари улар биздан кўра кўпроқ дам олишди - пайшанба куни биз Европа Лигаси ўйинини Португалияда ўтказдик.

Мураббийлар штабимиз вазиятни таҳлил қилади ва футболчиларимизнинг камчиликлари устида ишлаймиз. Олдинда кўплаб учрашувларимиз бор», - деди Брендан Рожерс.