Sobiq futbol afsonalaridan biri Rivaldo Messi borasidagi mish-mishlarga o‘z munosabatini bildirdi.
«Men Neymarning bu gapni tasodifan aytib yuborganiga ishonmayman. U Messi bilan avval ham o‘ynagan va barchasini uzoq hisoblab keyin gapirgan. Darhaqiqat, ayni paytda Neymarga Messi yetishmayapti va Messiga ham Neymardek sherik zarur. Ular g‘aroyib tandem bo‘lgan bo‘lar edi. Leo faoliyatini Parijda tugatishi har tomonlama chiroyli yakun», - deydi Rivaldo.
Ma’lumot uchun, bundan avvalroq Neymarning Messini o‘z jamoasiga chaqirayotgani to‘g‘risida xabarlar tarqalgan edi.
