Ushbu ruknimizdagi eng so‘nggi yangiliklar bilan tanishtirishda davom etamiz.
«Barsa»ga himoyachi kerak
Kataloniyaning «Barselona» jamoasi markaziy himoyadagi muammolarni bartaraf etish maqsadida yangi variantlar izlashda davom etmoqda.
"Diario Sport" nashrining ma’lum qilishicha, klub nishonida Antonio Ryudiger va va Erik Garciyalar mavjud.
Manbaning ma’lum qilishicha, klub asosiy urg‘uni Ryudigerga qaratadi. Sababi, Erik Kataloniyaga qaytishni istamayapti.
"Atletiko"dan o‘zgacha yurish
Madridning "Atletiko" jamoasi hujumchi Ivan Shaponichni ispan klublariga taklif qilmoqda.
AS nashrining ma’lum qilishicha, Madrid klubi 23 yoshli futbolchining o‘yin amaliyotisiz qolib ketayotganidan xavotirda. Shu bois, Simeone qishda Ivanni boshqa klubga ketishini o‘zi uyushtirmoqchi.
Manbaning ma’lum qilishicha, klub ushbu transferdan 300 ming yevro ishlab olmoqchi.
«MYU» Romeroni narxini ma’lum qildi
Angliyaning «Manchester Yunayted» jamoasi o‘z darvozaboni Serxio Romeroni transferga qo‘yishi aniq bo‘ldi.
"Footbal Insider" nashrining ma’lum qilishicha, jamoa ushbu transferdan 2 million yevro ishlab olishni rejalashtirmoqda.
Manbaning ma’lum qilishicha, klub qishda Din Hendersonni ham ijara asosida boshqa klub qo‘yib yuborishga qaror qilgan.
"Arsenal" nishonga oldi
Londonning "Arsenal« va »Tottenhem" jamoalari Kesse bilan qiziqib qoldi.
"Calciomercato" nashrining ma’lum qilishicha, 23 yoshli futbolchining agenti bilan London klublari aloqaga chiqqan va unga shaxsiy shartnoma taklif qilishgan.
Shartnomasi 2022 yilda o‘z yakuniga yetuvchi futbolchini «Milan» 45 million yevrodan kamiga qo‘yib yubormoqchi emas.
«Inter»dan o‘zgacha yurish
Milanning «Inter» jamoasi Rimning «Roma» klubi futbolchisi bilan o‘yinchi almashtirishga qaqror qildi.
Milan klubi Kristian Eriksonni «Roma»ga taklif qilmoqda. Uning o‘rniga esa, Jordan Veretu bilan to‘ldirishni reja qilgan.
Calciomercato nashrining ma’lum qilishicha, Rim jamoasi futbolchiga shuningdek «Napoli» ham ko‘z tikkan.
