Londonning "Chelsi" klubi bosh murabbiyi Frenk Lempard qanot himoyachisi Kristian Pulishich yana jarohat oldi degan mish-mishlarni rad etdi.

Pulishich o‘tgan seshanba kuni "Krasnodar"ga qarshi Chempionlar ligasida o‘tkazilgan o‘yingacha qadar, APLning 10 ta uchrashuvini o‘tkazib yuborgandi.

Kristian "Krasnodar" klubiga qarshi o‘yinda maydonga tushmadi, ammo 22 yoshli aqshlik futbolchining sog‘lig‘i yaxshi va u yakshanba kuni "Everton" ga qarshi o‘ynashi mumkin.

"Kristian Pulishich "Lids"ga qarshi o‘yindan keyin oyog‘idagi jarohati holatidan biroz xavotirda edi, ammo u odatdagidek mashg‘ulot o‘tkazdi va yakshanba kunigacha tayyor bo‘lishi kerak".

"Kristian formaga qaytish jarayonini boshlamoqda. U hafta o‘rtasidagi o‘yinda zahira o‘rindig‘ida bo‘lmagani - uni jarohat oldi degani emas. Agar bu o‘yin biz uchun juda muhim bo‘lganida, men undan foydalangan bo‘lardim.

"Biz uning nimalarga qodirligini juda yaxshi bilamiz. U buni o‘tgan hafta "Lids"ga qarshi o‘yinda ko‘rsatgan edi va men undan doimiy va muntazam ravishda foydalanidigan yo‘lini topishim kerak", - deya Lempard Daily Mail bilan suhbatda.