Лондоннинг "Челси" клуби бош мураббийи Фрэнк Лэмпард қанот ҳимоячиси Кристиан Пулишич яна жароҳат олди деган миш-мишларни рад этди.

Пулишич ўтган сешанба куни "Краснодар"га қарши Чемпионлар лигасида ўтказилган ўйингача қадар, АПЛнинг 10 та учрашувини ўтказиб юборганди.

Кристиан "Краснодар" клубига қарши ўйинда майдонга тушмади, аммо 22 ёшли ақшлик футболчининг соғлиғи яхши ва у якшанба куни "Эвертон" га қарши ўйнаши мумкин.

"Кристиан Пулишич "Лидс"га қарши ўйиндан кейин оёғидаги жароҳати ҳолатидан бироз хавотирда эди, аммо у одатдагидек машғулот ўтказди ва якшанба кунигача тайёр бўлиши керак".

"Кристиан формага қайтиш жараёнини бошламоқда. У ҳафта ўртасидаги ўйинда заҳира ўриндиғида бўлмагани - уни жароҳат олди дегани эмас. Агар бу ўйин биз учун жуда муҳим бўлганида, мен ундан фойдаланган бўлардим.

"Биз унинг нималарга қодирлигини жуда яхши биламиз. У буни ўтган ҳафта "Лидс"га қарши ўйинда кўрсатган эди ва мен ундан доимий ва мунтазам равишда фойдаланидиган йўлини топишим керак", - дея Лэмпард Daily Mail билан суҳбатда.