Kecha tunda «Tottenhem» «Antverpen» ustidan qozongan g‘alabasi (2:0) evaziga 13 ochko bilan pley-offga chiqqanidan xabaringiz bor. Uchrashuv davomida Joze Mourinyo va londonliklar a’zosi Dele Alli o‘rtasida kichik ziddiyat kelib chiqdi.
Unda angliyalik futbolchi murabbiy 5 ta o‘zgarishni amalga oshirib bo‘lganidan so‘ng unga keskin noroziligini ifodaladi. Futbolchi juda ko‘p o‘yinlardan beri zaxira o‘rindig‘ida qolib ketayotganidan norozi. Joze esa buni quyidagicha ifodalaydi:
«Men uning holatini tushunib turibman. Hamma ham 5 ta o‘zgarish ichida o‘zini ko‘rmaganida g‘azablanishi tayin. Uning hozirgi jahli normal holat. Men undan xursand bo‘lishini kutganim yo‘q», - deydi mutaxassis.
Eslatib o‘tamiz, Alli joriy mavsum «shporlar»ning atigi 8 ta o‘yinida maydonga tushgan xolos.
