Кеча тунда «Тоттенҳем» «Антверпен» устидан қозонган ғалабаси (2:0) эвазига 13 очко билан плей-оффга чиққанидан хабарингиз бор. Учрашув давомида Жозе Моуриньо ва лондонликлар аъзоси Деле Алли ўртасида кичик зиддият келиб чиқди.

Унда англиялик футболчи мураббий 5 та ўзгаришни амалга ошириб бўлганидан сўнг унга кескин норозилигини ифодалади. Футболчи жуда кўп ўйинлардан бери захира ўриндиғида қолиб кетаётганидан норози. Жозе эса буни қуйидагича ифодалайди:

«Мен унинг ҳолатини тушуниб турибман. Ҳамма ҳам 5 та ўзгариш ичида ўзини кўрмаганида ғазабланиши тайин. Унинг ҳозирги жаҳли нормал ҳолат. Мен ундан хурсанд бўлишини кутганим йўқ», - дейди мутахассис.

Эслатиб ўтамиз, Алли жорий мавсум «шпорлар»нинг атиги 8 та ўйинида майдонга тушган холос.