Germaniyaning «Shalke» klubi Bundesliga doirasida «Augsburg» (2:2) klubi bilan durang o‘ynadi.

Uchrashuvning 53-daqiqasida «Augsburg» Florian Niderlexner maydondan chetlatilganidan so‘ng, 10 kishi qoldi. «Shalke» esa 2:1 hisobida oldinda borayotib, o‘yinning 93-daqiqasida o‘z darvozasidan gol o‘tkazib yubordi va tayyor g‘alabani qo‘ldan chiqardi.

Shu tariqa, gelzenkirxenliklar Bundesligadagi "g‘alabasiz seriyasi"ni 27 ta yetkazib olishdi.

"Shalke" so‘nggi marotaba 2020 yilning 17 yanvar kuni «Borussiya M» (2:0) jamoasi ustidan g‘alaba qozongandi. Shundan so‘ng, «Shalke» chempionatning 17 ta o‘yinida mag‘lubiyatga uchradi va 10 ta o‘yinda durang o‘ynadi.

Jamoa ayni paytda Bundesliganing so‘nggi pog‘onasida bormoqda.