Германиянинг «Шальке» клуби Бундеслига доирасида «Аугсбург» (2:2) клуби билан дуранг ўйнади.

Учрашувнинг 53-дақиқасида «Аугсбург» Флориан Нидерлехнер майдондан четлатилганидан сўнг, 10 киши қолди. «Шальке» эса 2:1 ҳисобида олдинда бораётиб, ўйиннинг 93-дақиқасида ўз дарвозасидан гол ўтказиб юборди ва тайёр ғалабани қўлдан чиқарди.

Шу тариқа, гельзенкирхенликлар Бундеслигадаги "ғалабасиз серияси"ни 27 та етказиб олишди.

"Шалке" сўнгги маротаба 2020 йилнинг 17 январь куни «Боруссия М» (2:0) жамоаси устидан ғалаба қозонганди. Шундан сўнг, «Шальке» чемпионатнинг 17 та ўйинида мағлубиятга учради ва 10 та ўйинда дуранг ўйнади.

Жамоа айни пайтда Бундеслиганинг сўнгги поғонасида бормоқда.