Coca Cola Superligasi ushbu mavsumi yakuniga yetganidan xabaringiz bor. Mavsum davomida O‘zPFL oyning eng yaxshi futbolchisi, murabbiyi va golini aniqlab keldi. Yil yakunida esa, an’anaga ko‘ra turli nominasiyalarda eng yaxshilarni aniqlaydi.
O‘zPFL bu yilgi mavsum yakunida bir nechta nominasiyalar bo‘yicha eng yaxshilarni aniqlash tizimiga biroz o‘zgartirish kiritdi. Oldingi mavsumlarda yil laureatlarini aniqlashda ularning oyma-oy to‘plagan ochkolari yig‘indisi hisobga olinar edi. Bu yil eng yaxshilarni aniqlash uchun yakunda ham Coca Cola Superligasi klublari bosh murabbiylari va sardorlari hamda muxlislar ovoz beradi. Bunda mavsum davomida oy g‘oliblari sifatida eng ko‘p ochko to‘plagan uch nafar murabbiy va futbolchiga O‘zPFL nomzodlari qo‘shilgan holda – jami 4 nafar nomzod ishtirok etadi.
Coca Cola Superligasida yilning eng yaxshi murabbiyiga nomzodlar:
1. Shota Arveladze
2. Mirjalol Qosimov
3. Ro‘ziqul Berdiyev
4. Baxtiyor Ashurmatov
Eng yaxshi murabbiyga ovoz berish jarayoni 16 dekabr kunidan 25 dekabr kunigacha davom etadi.
