Futbol afsonasi Pele «Barselona» yetakchisi Leo Messini kechagi rekord golidan so‘ng tabrikladi.

Kecha La Liga 13-turi doirasida «Barselona» «Valenciya»bilan durang o‘ynaganidan xabaribgiz bor (2:2). Uchrashuvdagi gollardan biriga argentinalik futbolchi mualliflik qildi va bitta klubdagi gollari sonini 643 taga yetkazib oldi. Bu bilan u Pele o‘rnatgan rekordni takrorlashga muvaffaq bo‘ldi. Braziliyalik afsona esa o‘z Instagramida tabrik posti qoldirdi.

«Men sening hozirgi emosiyalaringni juda yaxshi tushunib turibman, Leo. Bitta klub safida bitta futbolkada o‘ynash, buning ustiga rekordlar uchun yuraging toshib ketayotgan bo‘lsa ko‘zingga hech nima ko‘rinmaydi. Bunda seni yo‘lingga hech kim g‘ov bo‘la olmaydi. Tarixiy rekord bilan, Leo! avvalo katta karyerang bilan tabriklayman. Bizni futbol olami hali beri unutmaydi», - deydi Pele.

Eslatib o‘tamiz, Messi shuningdek, kecha La Ligadagi yubiley 450-golini ham kiritdi.