Rimliklar yarimhimoyachisi Lorensso Pellegrini bugun bo‘lib o‘tadigan «Atalanta»ga qarshi bahsni o‘tkazib yuborishi ma’lum bo‘lmoqda. Bu haqida klub matbuot xizmati xabar beradi.
Futbolchi avvalroq to‘pig‘idan olgan jarohatini yana qaytalab olgan va jamoaning kecha o‘tkazgan so‘nggi mashg‘ulot yig‘inida ishtirok eta olmadi.
Pellegrini «Roma»ning so‘nggi ikki o‘yinida asosiy vazifalardan birini bajargan edi. U «Torino» va «Bolonya» jamoalariga qarshi bahslarda 2 gol va 1 assistni qayd etgan.
Eslatib o‘tamiz, klubning bundan tashqari lazaretdagi o‘yinchilari qatoridan Zaniolo va Pastorelar ham o‘rin olishgan.
