Римликлар яримҳимоячиси Лоренцсо Пеллегрини бугун бўлиб ўтадиган «Аталанта»га қарши баҳсни ўтказиб юбориши маълум бўлмоқда. Бу ҳақида клуб матбуот хизмати хабар беради.
Футболчи аввалроқ тўпиғидан олган жароҳатини яна қайталаб олган ва жамоанинг кеча ўтказган сўнгги машғулот йиғинида иштирок эта олмади.
Пеллегрини «Рома»нинг сўнгги икки ўйинида асосий вазифалардан бирини бажарган эди. У «Торино» ва «Болонья» жамоаларига қарши баҳсларда 2 гол ва 1 ассистни қайд этган.
Эслатиб ўтамиз, клубнинг бундан ташқари лазаретдаги ўйинчилари қаторидан Заниоло ва Пасторелар ҳам ўрин олишган.
