Misr terma jamoasi sobiq futbolchisi Muhammad Abutrika o‘z vatandoshi Muhammad Salohning «qizillar» safida baxtli emasligini aytmoqda.
«Saloh hozir "Liverpul"da baxtli emas. U menga buning bir qancha sabablarini ham aytgan. Lekin bu sir. Men buni ommaga oshkor qila olmayman.
Klopp so‘nggi paytlarda Salohga ancha e’tiborsiz. Murabbiyning ko‘p rejalaridan u joy olmayapti. Masalan, "Mityulland"ga qarshi yulduzlarsiz kechgan bahsning birida unga sardorlik bog‘ichi berilmadi. Bu esa iqtidorli futbolchi uchun kuchli bosim.
Lekin men unga bir nima deb maslahat bera olmayman. U professional. Barchasini o‘zi hal qilishiga ishonaman.
Eslatib o‘tamiz, Muahammad Saloh "qizillar" safiga 2017 yilda "Roma"dan ko‘chib o‘tgan bo‘lib shu paytgacha klubi safida 173 ta bahsda 110+45 natijani qayd etgan.