Angliyaning «Liverpul» va «Lids» klublari «Reding» futbolchisi Maykl Olize uchun kurash olib boradi. 19 yoshli futbolchi Chempionshipda 4 ta gol kiritdi va 7 ta golga assistentlik qildi.

Football Insider nashrining tarqatgan ma’lumotiga ko‘ra, ushbu bitim yanvar oyida amalga oshishi kutilmoqda. Olizening transfer narxi 8 million yevro atrofida baholanmoqda. «Reding» ushbu mablag‘ evaziga o‘z yetakchi futbolchisini sotib yuborishga tayyor.

Futbolchining klubi bilan amaldagi shartnomasi 2022 yilning yozida yakuniga yetadi.