«Chelsi» ustozi Frenk Lempard o‘z shogirdi Tiagu Silvaning o‘yinlaridan mamnun ekanini bildirdi.

«Men 36 yoshda o‘ynash qanaqa bo‘lishini juda yaxshi tushunaman. Bu paytda to‘p bilan muomala qilishing keskin qiyinlashb ketadi, ayniqsa Premyer-ligada. Men bu yoshda jamoamning har bir uchrashuvida maydonga tushmaganman.

Lekin Silva Fransiyada uzoq muddat o‘ynagan va unda yetarlicha tajriba bor. U kutganimizdan ham yaxshiroq o‘ynayapti. O‘yinni o‘qish mahorati uni hali ham tark etmagan. Tiagu qolgan sheriklari bilan maydon tashqarisida ham yaxshi chiqishib ketadi», - deya Lempardning so‘zlaridan iqtibos keltiradi "Sky Sports"nashri.

Ma’lumot uchun Silva «ko‘klar» safida 10 ta uchrashuvda maydonga tushib, 2 ta gol muallifiga aylangan.