«Челси» устози Френк Лемпард ўз шогирди Тиагу Силванинг ўйинларидан мамнун эканини билдирди.

«Мен 36 ёшда ўйнаш қанақа бўлишини жуда яхши тушунаман. Бу пайтда тўп билан муомала қилишинг кескин қийинлашб кетади, айниқса Премьер-лигада. Мен бу ёшда жамоамнинг ҳар бир учрашувида майдонга тушмаганман.

Лекин Силва Францияда узоқ муддат ўйнаган ва унда етарлича тажриба бор. У кутганимиздан ҳам яхшироқ ўйнаяпти. Ўйинни ўқиш маҳорати уни ҳали ҳам тарк этмаган. Тиагу қолган шериклари билан майдон ташқарисида ҳам яхши чиқишиб кетади», - дея Лемпарднинг сўзларидан иқтибос келтиради "Sky Sports"нашри.

Маълумот учун Силва «кўклар» сафида 10 та учрашувда майдонга тушиб, 2 та гол муаллифига айланган.