Angliyaning «Arsenal» klubi bosh murabbiyi Mikel Arteta APLning 15-tur doirasida «Chelsi» (3:1) ustidan qo‘lga kiritilgan g‘alaba haqida fikr bildirdi.

«Haqiqatdan ham biz uchun katta g‘alaba. Ko‘rsatgan o‘yinlarimizda qayd etilgan natijalardan juda xafa bo‘layotgandim. Bizning futbolchilarimiz azob chekishdi, muxlislarimiz azoblanishdi.

"Boxing day"da "London derbisi"da "Chelsi" ustidan g‘alaba qozonishdan yoqimli tuyg‘u yo‘q. Umid qilamanki, bu bizning ijrodagi keskin burilish.

Futbolchilarim mana shunday saviyada o‘yin namoyish eta olishlarini bilaman. «Chelsi»ni ham qanday kuchga ekanligini ham bilamiz, lekin o‘yinda yuzaga kelgan muhim vaziyatlarda biz kuchli o‘ynadik.

Jarohatlar, koronavirus, 10 kishi qolib o‘ynash... O‘yinlarda g‘alaba qozonish uchun nimalar qilish kerakligi haqida o‘ylab qolaman. Muxlislarni xursand qilish yoqimli. Ko‘rsatgan avvalgi natijalarimizdan ularning qanchalik xafa bo‘lganini tasavvur qilaman.

O‘yinni yaxshi boshladik va shu ruhda davom ettirdik. BU jamoaning o‘ziga bo‘lgan ishonchini oshiradi. Kelinglar davom ettiramiz. Hali ustida ishlashimiz kerak bo‘lgan ko‘p narsalar bor», – dedi Arteta Sky Sports bilan intervyuda.