Англиянинг «Арсенал» клуби бош мураббийи Микель Артета АПЛнинг 15-тур доирасида «Челси» (3:1) устидан қўлга киритилган ғалаба ҳақида фикр билдирди.

«Ҳақиқатдан ҳам биз учун катта ғалаба. Кўрсатган ўйинларимизда қайд этилган натижалардан жуда хафа бўлаётгандим. Бизнинг футболчиларимиз азоб чекишди, мухлисларимиз азобланишди.

"Boxing day"да "Лондон дербиси"да "Челси" устидан ғалаба қозонишдан ёқимли туйғу йўқ. Умид қиламанки, бу бизнинг ижродаги кескин бурилиш.

Футболчиларим мана шундай савияда ўйин намойиш эта олишларини биламан. «Челси»ни ҳам қандай кучга эканлигини ҳам биламиз, лекин ўйинда юзага келган муҳим вазиятларда биз кучли ўйнадик.

Жароҳатлар, коронавирус, 10 киши қолиб ўйнаш... Ўйинларда ғалаба қозониш учун нималар қилиш кераклиги ҳақида ўйлаб қоламан. Мухлисларни хурсанд қилиш ёқимли. Кўрсатган аввалги натижаларимиздан уларнинг қанчалик хафа бўлганини тасаввур қиламан.

Ўйинни яхши бошладик ва шу руҳда давом эттирдик. БУ жамоанинг ўзига бўлган ишончини оширади. Келинглар давом эттирамиз. Ҳали устида ишлашимиз керак бўлган кўп нарсалар бор», – деди Артета Sky Sports билан интервьюда.