Ushbu ruknimizdagi eng so‘nggi yangiliklar bilan tanishtirishda davom etamiz.
Milik trendda!
Italiyaning «Napoli» jamoasi hujumchisi Arkadiush Milik faoliyatini qaysi klubda davom ettirishi savol ostida qolmoqda.
Italiya nashrlarining ma’lum qilishicha, futbolchi bilan ayni damda 7 ta grand klub qiziqb qolgan. Ular qatorida «Yuventus», «Roma», «Atletiko» va «Tottenhem» singari jamoalar ham mavjud.
Eslatib o‘tamiz, futbolchi 2021 yilda erkin agent maqomiga ega bo‘ladi.
Isko ketaidmi?
Madridning «Real» jamoasi yarim himoyachisi Isko Alakron faoliyatini Ispaniyaning boshqa jamoasida davom ettirishi mumkin.
AS nashrining ma’lum qilishicha, yarim himoyachi qishda klubdan ketmoqchi. Unga «Sevilya» klubi taklif bilan chiqqan. Isko bunga qarshi emas.
Manbaning ma’lum qilishicha, Iskoning transferi uchun Andalusiya klubi 15-18 million yevro sarf etmoqchi.
«Arsenal»dan yurish
Londonning «Arsenal» jamoasi «Sevilya» yarim himoyachisi Xuan Xordanni tarkibga qo‘shib olmoqchi.
«The Sun» nashrining ma’lum qilishicha, Xordanni shaxsan Mikel Arteta o‘z tarkibida ko‘rishni istamoqda. 20 yoshli futbolchining agenti allaqachon London klubi vakillari bilan muzokaralarni boshlagan.
Eslatib o‘tamiz, Xuanning klubi bilan tuzgan shartnomasi 2023 yilda o‘z yakuniga yetadi.
Belyerin kerakmi?
Kataloniyaning «Barselona» jamoasi «Arsenal» himoyachisi Ektor Belyerinni Ispaniga qaytarmoqchi.
AS nashrining ma’lum qilishicha, 25 yoshli futbolchi Mikel Arteta bilan kelisha olmayapti. Shu bois, qishda klubni tark etmoqchi.
Manbaning ma’lum qilishicha, Ektor «Barselonaga» qaytishga qarshi emas. Shuningdek, unda Parij super klubi - PSJdan kelib tushgan taklif ham mavjud.
«Yuve» hujumchisi Parijda?!
Turinning «Yuventus» jamoasi hujumchisi Paulo Dibala faoliyatini Parijda davom ettirishi mumkin.
Argentinalik futbolchi bilan PSJ jiddiy qiziqib qoldi. 27 yoshli futbolchi bilan Angliyaning bir nechta grand klublari ham qiziqib qolgan. «LGDS» nashrining ma’lum qilishicha, Dibalaning o‘zi ham boshqa klubga o‘tishga qarshi emas. U Ronalduning soyasida qolib ketishni istamayapti.
Eslatib o‘tamiz, Dibalaning Turin super klubi bilan tuzgan shartnomasi 2022 yilda o‘z yakuniga yetadi.
