Futbol tahlillari bilan shug‘ullanuvchi “Instat” kompaniyasi taqdim etgan ma’lumotlarga ko‘ra, yakunlangan mavsumda Soca Cola Cuperliganing eng yaxshi darvozaboni nomiga “Paxtakor” posboni Eldor Suyunov loyiq, deb topildi.

Ushbu kompaniya o‘zi tahlil qiladigan ligalarning har bir futbolchisi bo‘yicha turli tahlillarni jamlagan holda (20dan ortiq ko‘rsatkichlar) ularning yakuniy ballari - indeksini e’lon qiladi.

2020 yilda Superligada o‘ynagan darvozabonlar tahlili bo‘yicha ta’kidlaganimizdek, “Paxtakor” darvozaboni Eldor Suyunov eng yuqori ball to‘pladi.

Uning indeksi 229ni tashkil qilgan. Undan keyingi natijalar O‘tkir Yusupov (“Navbahor”, 227), Abduvohid Ne’matov (“Nasaf”, 226), Sanjar Quvvatov (“Paxtakor”, 223) va Rahim Davronov (“Mash’al”, 217)ga tegishli bo‘ldi.

Eslatib o‘tamiz, Superliga–2020 da namanganliklar posboni O‘tkir Yusupov 24ta bahsda maydonda tushib, himoyachi Igor Golban bilan birgalikda “Navbahor” tarkibida eng ko‘p, ya’ni, 2160 daqiqa davomida harakatlandi hamda 11 ta “quruq” o‘yin o‘tkazdi.

“Navbahor” PFK matbuot xizmati.