Italiyaning «Inter» klubi bosh murabbiyi Antonio Konte A Seriyaning 15-tur doirasida «Krotone»ga qarshi bo‘lib o‘tadigan o‘yindan oldingi fikrlari bilan o‘rtoqlashdi.

«Biz qiyin o‘yinga tayyorgarlik ko‘rishimiz kerak. O‘ylaymanki, A Seriyaning har bir o‘yinini shunday atash mumkin. Biz yil yakunida «Parma» ustidan g‘alaba qozonish ilhomlangan jamoaga qarshi o‘ynaymiz. Juda ehtiyotkor bo‘lishimiz talab qilinadi.

Rojdestvo bayrami sababli yuzaga keladigan tanaffusdan keyin har doim noaniqliklar yuzaga keladi, lekin o‘zimizning g‘alabali seriyamizni davom ettirish qanchalik muhim ekanligini bilamiz.

Bu yil g‘alaba qozonishga intilgan jamoalar qatorida o‘zimizni ko‘rsatishimizni xohlaymiz. O‘zimizni ishontirishdan boshqa narsamiz yo‘q. «Inter» asosiy sovrin uchun oxirigacha kurash olib borishga ishonishi shart!

Bu juda teng mavsum, har bir ochko uchun ter to‘kish kerak va osonlar o‘yinlar bo‘lmaydi. Ohir-oqibat mehnatsevarlik kabi qadriyatlar paydo bo‘ladi», – dedi Konte.