Италиянинг «Интер» клуби бош мураббийи Антонио Конте А Сериянинг 15-тур доирасида «Кротоне»га қарши бўлиб ўтадиган ўйиндан олдинги фикрлари билан ўртоқлашди.

«Биз қийин ўйинга тайёргарлик кўришимиз керак. Ўйлайманки, А Сериянинг ҳар бир ўйинини шундай аташ мумкин. Биз йил якунида «Парма» устидан ғалаба қозониш илҳомланган жамоага қарши ўйнаймиз. Жуда эҳтиёткор бўлишимиз талаб қилинади.

Рождество байрами сабабли юзага келадиган танаффусдан кейин ҳар доим ноаниқликлар юзага келади, лекин ўзимизнинг ғалабали сериямизни давом эттириш қанчалик муҳим эканлигини биламиз.

Бу йил ғалаба қозонишга интилган жамоалар қаторида ўзимизни кўрсатишимизни хоҳлаймиз. Ўзимизни ишонтиришдан бошқа нарсамиз йўқ. «Интер» асосий соврин учун охиригача кураш олиб боришга ишониши шарт!

Бу жуда тенг мавсум, ҳар бир очко учун тер тўкиш керак ва осонлар ўйинлар бўлмайди. Оҳир-оқибат меҳнатсеварлик каби қадриятлар пайдо бўлади», – деди Конте.