Angliyaning «Manchester Siti» yarim himoyachisi Kevin de Bryuyne APL doirasida «Chelsi» (3:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Joriy mavsumdagi katta o‘yinning birida g‘alaba qozondik. Bu mavsumda top-klublarga qarshi bir nechta katta o‘yinlarni o‘tkazdik, lekin g‘alaba qozona olmagandik. Chempionlikni qo‘lga kiritgan yilimiz, kuchli to‘rtlikda bo‘lgan barcha top-klublarni mag‘lubiyatga uchratgandik, biroq bu mavsum barchasi boshqacha bo‘lmoqda, chunki barcha ochko yo‘qotmoqda. Mavsumni yomon boshladik, ammo asta-sekinlik bilan o‘z joyimizga qaytyapmiz. Hozir maydonda bor kuchimizni berishimiz kerak.
«To‘qqizlik» pozisiyasida o‘ynash? Avvaliga biroz g‘alati bo‘ldi, chunki men bu ishni faoliyatim davomida atigi bir necha marta qilganman xolos, iloji boricha yaxshi o‘ynashga harakat qilganman», - de Bryuynening so‘zlaridan iqtibos keltirmoqda Sky Sports.
