Англиянинг «Манчестер Сити» ярим ҳимоячиси Кевин де Брюйне АПЛ доирасида «Челси» (3:1) устидан қўлга киритилган ғалаба ҳақидаги фикрлари билан ўртоқлашди.

«Жорий мавсумдаги катта ўйиннинг бирида ғалаба қозондик. Бу мавсумда топ-клубларга қарши бир нечта катта ўйинларни ўтказдик, лекин ғалаба қозона олмагандик. Чемпионликни қўлга киритган йилимиз, кучли тўртликда бўлган барча топ-клубларни мағлубиятга учратгандик, бироқ бу мавсум барчаси бошқача бўлмоқда, чунки барча очко йўқотмоқда. Мавсумни ёмон бошладик, аммо аста-секинлик билан ўз жойимизга қайтяпмиз. Ҳозир майдонда бор кучимизни беришимиз керак.

«Тўққизлик» позициясида ўйнаш? Аввалига бироз ғалати бўлди, чунки мен бу ишни фаолиятим давомида атиги бир неча марта қилганман холос, иложи борича яхши ўйнашга ҳаракат қилганман», - де Брюйненинг сўзларидан иқтибос келтирмоқда Sky Sports.