Yangi mavsumni Superligada davom ettirish huquqini saqlab qolgan "Andijon" jamoasi bugundan o‘quv-yig‘in mashg‘ulotlarining birinchi bosqichini boshlaydi.
Bugun saytimiz orqali xabar berib o‘tganimizdek, klub rahbariyati jamoa yarim himoyachisi Doniyor Abdumannopov bilan shartnomani uzaytirgandi.
Shuningdek, rahbariyat jamoa tayanch yarim himoyachisi Baxtiyor Qosimovni ham boshqa jamoaga qo‘yib yuborish niyatida emas.
Baxtiyor Qosimovning "Andijon" jamoasi bilan amaldagi shartnomasi 2020 yilning 1 dekabr kuni o‘z yakuniga yetgan.
O‘tgan mavsumda Qosimov "Andijon"ning 18 ta o‘yinida maydonga tushib, 1 ta gol kiritdi va maydonda 1108 daqiqa harakat qildi.
