Янги мавсумни Суперлигада давом эттириш ҳуқуқини сақлаб қолган "Андижон" жамоаси бугундан ўқув-йиғин машғулотларининг биринчи босқичини бошлайди.
Бугун сайтимиз орқали хабар бериб ўтганимиздек, клуб раҳбарияти жамоа ярим ҳимоячиси Дониёр Абдуманнопов билан шартномани узайтирганди.
Шунингдек, раҳбарият жамоа таянч ярим ҳимоячиси Бахтиёр Қосимовни ҳам бошқа жамоага қўйиб юбориш ниятида эмас.
Бахтиёр Қосимовнинг "Андижон" жамоаси билан амалдаги шартномаси 2020 йилнинг 1 декабрь куни ўз якунига етган.
Ўтган мавсумда Қосимов "Андижон"нинг 18 та ўйинида майдонга тушиб, 1 та гол киритди ва майдонда 1108 дақиқа ҳаракат қилди.
