Angliyaning «Liverpul» klubi "Gerry and the Pacemakers" guruhi yetakchisi, qo‘shiqchi Jerri Marsdenni vafoti munosabati bilan hamdardlik bildirdi.
Angliyalik san’atkor yakshanba kuni 78 yoshida vafot etdi.
"Liverpul"ning madhiyasi sanalgan "You’ll Never Walk Alone" qo‘shig‘i Marsden versiyasida ijro etilgan va bu qo‘shiq «Enfild» stadionida yangraydi.
«Jerrining ovozi bizga katta o‘yinlarda hamrox bo‘ladi. Uning madhiyasi futbolchilarni, murabbiylarni va butun dunyodagi muxlislarni birlashtirib, chindan ham o‘ziga xos narsani yaratdi.
Siz hech qachon yolg‘iz qolmaysiz», – deyiladi klubning "Tvitter"dagi bayonotida.
