Англиянинг «Ливерпуль» клуби "Gerry and the Pacemakers" гуруҳи етакчиси, қўшиқчи Жерри Марсденни вафоти муносабати билан ҳамдардлик билдирди.
Англиялик санъаткор якшанба куни 78 ёшида вафот этди.
"Ливерпул"нинг мадҳияси саналган "You’ll Never Walk Alone" қўшиғи Марсден версиясида ижро этилган ва бу қўшиқ «Энфилд» стадионида янграйди.
«Жеррининг овози бизга катта ўйинларда ҳамрох бўлади. Унинг мадҳияси футболчиларни, мураббийларни ва бутун дунёдаги мухлисларни бирлаштириб, чиндан ҳам ўзига хос нарсани яратди.
Сиз ҳеч қачон ёлғиз қолмайсиз», – дейилади клубнинг "Твиттер"даги баёнотида.
