La Liganing 2-tur qoldirilgan uchrashuvi Bilbao shahridagi "San Mames" stadionida "Atletik" hamda "Barselona" jamoalari o‘rtasidagi bo‘lib o‘tdi.
Avvaliga uchrashuvning 3-daqiqasidayoq Uilyams "Barselona" darvozasini ishg‘ol etib, hisobni ochdi. 14-daqiqada esa Pedri boshi bilan gol kiritib, muvozanatni tikladi.
Keyin esa katta sahnaga Lionel Messi chiqdi va 38 hamda 62-daqiqalarda maydon egalari darvozasini aniq nishonga olib, o‘z hisobiga dubl yozdirib qo‘ydi.
90-daqiqada esa tinib-tinchimas Muniain o‘rtadagi farqni qisqartirdi, lekin bu gol jamoasini mag‘lubiyatdan qutqarib qola olmadi.
"Atletik" – "Barselona" 2:3
7 yanvar, 01.00, «San Mames» stadioni
Gollar: 1:0 – 3 Uilyams, 1:1 – 14 Pedri, 1:2 – 38 Messi, 1:3 – 62 Messi, 2:3 – 90 Muniain.
"Atletik" – Unai Simon, Martines, Berchiche (Balensiaga, 32), Nunyes, De Markos (Berenger, 65), Raul Garsiya (Morsilyo, 80), Vesga (Dani Garsiya, 65), Muniain, Vensedor, Kapa, Uilyams.
"Barselona" – ter Stegen, Alba, Dest (Mingesa, 75), Langle, Arauxo, de Yong, Buskets, Pedri, Dembele (Breytueyt, 75), Grizmann, Messi.
Ogohlantirishlar: Vesga (27), Langle (57), Dani Garsiya (70).
