Bu yil Diyego Simeonening “Atletiko”da ish boshlaganiga 10 yil bo‘ladi. U noyob shaxs. Fe’li va o‘zini tutishi, murabbiy sifatidagi tanlovlari o‘zgacha. Bu yil futbolchilari deyarli mukammal o‘yin ko‘rsatishmoqda. Lekin, nigohlar hali ham ularda emas. Ya’ni, ispan futbolining aksar muxlislari hali ham chempionlik “Barselona” va “Real” o‘rtasidagi masala, deb hisoblashmoqda. Hozirgi “Atletiko” himoyasini yanada mukammallashtirgan va hujumida nihoyat muvozanatni topgan ko‘rinmoqda. 15 o‘yinda o‘tkazib yuborilgan 6 gol! Bor-yo‘g‘i 6 ta. Hujumda esa Suares-Felish bir-birini ko‘zni yumib topyapti.

Simeone klubi oxirgi marotaba La-ligada chempion bo‘lganda musobaqa intriga jihatdan cho‘qqisiga chiqqan. Quyidagi suratda 2013-14 yillar mavsumi 36-turidan keyingi turnir jadvalidagi holat aks etgan. Zo‘r! Shunday emasmi?!

Navbatdagi turda “Atletik Bilbao”ni o‘z uyida qabul qilishi kerak bo‘lgan madridliklar poyxtaxdagi noqulay ob-havo bois buni keyinroqqa qoldirishadi. Ammo, hech qisi yo‘q. Shu bahona ta’qibchilar yaqinlashib olish imkoniga egalar yakka peshqadamga, hatto, “Real” o‘z o‘yinida g‘alaba qozonsa bir ochkoga o‘tib ketishi ham mumkin.

Aytmoqchi bo‘lganim, bu mavsum yorqin “Atletiko” tufayli Laligada ham raqobat chikora emas.

Nima deysiz, yakunda qaysi klub chempion bo‘lar ekan?

Orif Tolipov.