Italiyaning «Fiorentina» himoyachisi Pol Lirola faoliyatini Fransiyada davom ettiradi.
Fransiya matbuotining yozishiga qaraganda, ispaniyalik futbolchiga «Marsel» qiziqish bildirmoqda.
«Fiorentina» va «Marsel» klublari bugun ushbu transferning yakuniy bosqichini o‘tkazishadi va ushbu bitim 11,5 million yevroni tashkil qiladi. Keyingi hafta Lirola «Marsel» uchun tibbiy ko‘rikdan o‘tadi.
23 yoshli futbolchi «Fiorentina»ning barcha musobaqalaridagi o‘yinlarida ishtirok etdi va bitta golli uzatni amalga oshirdi. Lirolaning «fialkalar» bilan amaldagi shartnomasi 2024 yilning 30 iyunigacha mo‘ljallangan.