Италиянинг «Фиорентина» ҳимоячиси Поль Лирола фаолиятини Францияда давом эттиради.
Франция матбуотининг ёзишига қараганда, испаниялик футболчига «Марсель» қизиқиш билдирмоқда.
«Фиорентина» ва «Марсель» клублари бугун ушбу трансфернинг якуний босқичини ўтказишади ва ушбу битим 11,5 миллион еврони ташкил қилади. Кейинги ҳафта Лирола «Марсель» учун тиббий кўрикдан ўтади.
23 ёшли футболчи «Фиорентина»нинг барча мусобақаларидаги ўйинларида иштирок этди ва битта голли узатни амалга оширди. Лироланинг «фиалкалар» билан амалдаги шартномаси 2024 йилнинг 30 июнигача мўлжалланган.
