Myunxenning «Bavariya» klubi himoyachisi David Alaba jamoasining o‘yini haqida fikr bildirdi.

«Biz haligacha turnir jadvalida yuqori o‘rinda ketyapmiz. Joriy mavsumda ham chempion bo‘lishimizga ishonaman. O‘tgan mavsumda o‘zimizga bo‘lgan ishonch yuqori bo‘lganligi sababdi, bir qator sovrinlarni qo‘lga kiritgandik. Chiroyli o‘yin namoyish eta olishimizni bilamiz. «Borussiya»ga qarshi bunday katta o‘yinlarda ko‘pincha kichik detallar muhim. Biz mag‘lubiyatga uchradik, futbolda bunday narsalar uchrab turadi.

Shartnoma menga ta’sir qilyaptimi? Yo‘q, mutlaqo yo‘q. Joriy mavsum yomon namoyish etyapman deb o‘ylamayman. Bor e’tiborimni «Bavariya»dagi o‘yinlarga qaratganimni ko‘p bora aytdim, - dedi Alaba Bild bilan suhbatda.