Мюнхеннинг «Бавария» клуби ҳимоячиси Давид Алаба жамоасининг ўйини ҳақида фикр билдирди.
«Биз ҳалигача турнир жадвалида юқори ўринда кетяпмиз. Жорий мавсумда ҳам чемпион бўлишимизга ишонаман. Ўтган мавсумда ўзимизга бўлган ишонч юқори бўлганлиги сабабди, бир қатор совринларни қўлга киритгандик. Чиройли ўйин намойиш эта олишимизни биламиз. «Боруссия»га қарши бундай катта ўйинларда кўпинча кичик деталлар муҳим. Биз мағлубиятга учрадик, футболда бундай нарсалар учраб туради.
Шартнома менга таъсир қиляптими? Йўқ, мутлақо йўқ. Жорий мавсум ёмон намойиш этяпман деб ўйламайман. Бор эътиборимни «Бавария»даги ўйинларга қаратганимни кўп бора айтдим, - деди Алаба Bild билан суҳбатда.
