Angliyaning «Manchester Siti» klubi bosh murabbiyi Xosep Gvardiola APL doirasida «Brayton» ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Bugungi o‘yinda g‘alaba qozonish qiyin bo‘lishini oldindan bilardik. «Brayton» yaxshi o‘yin tashkil etadigan jamoa. Bugun birinchi bo‘limni haqiqatdan ham yaxshi o‘tkazdik va bir necha bora xavfli vaziyatlarni sodir etdik. Ikkinchi bo‘limning yarmida esa ular yaxshi o‘yin namoyish etishni boshladi va hisobni tenglashtirishga yaqin kelishdi.
Bunday o‘yinlarda g‘alaba qozonishimiz shart. Bu biz uchun yaxshi dars bo‘ldi. Navbatdagi har bir uchrashuv oson bo‘lmaydi.
Filip Foden endigina 20 yoshda, lekin uning o‘yinlariga qarang. U ikki qanotda ham, maydon markazida ham o‘ynay oladi. U raqib darvozasi oldida nihoyatda epchil», - dedi Pep.
