Англиянинг «Манчестер Сити» клуби бош мураббийи Хосеп Гвардиола АПЛ доирасида «Брайтон» устидан қўлга киритилган ғалаба ҳақидаги фикрлари билан ўртоқлашди.

«Бугунги ўйинда ғалаба қозониш қийин бўлишини олдиндан билардик. «Брайтон» яхши ўйин ташкил этадиган жамоа. Бугун биринчи бўлимни ҳақиқатдан ҳам яхши ўтказдик ва бир неча бора хавфли вазиятларни содир этдик. Иккинчи бўлимнинг ярмида эса улар яхши ўйин намойиш этишни бошлади ва ҳисобни тенглаштиришга яқин келишди.

Бундай ўйинларда ғалаба қозонишимиз шарт. Бу биз учун яхши дарс бўлди. Навбатдаги ҳар бир учрашув осон бўлмайди.

Филип Фоден эндигина 20 ёшда, лекин унинг ўйинларига қаранг. У икки қанотда ҳам, майдон марказида ҳам ўйнай олади. У рақиб дарвозаси олдида ниҳоятда эпчил», - деди Пеп.