Turinning «Yuventus» klubi bosh murabbiyi Andrea Pirlo o‘z maydonida «Jenoa» ustidan Italiya Kubogi doirasida qo‘lga kiritilgan g‘alaba haqidagi fikrlari bilan o‘rtoqlashdi.
«Vaziyatimizni o‘zimiz og‘irlashtirib oldik. Birinchi bo‘limni yaxshi o‘tkazdik, keyin esa xotirjamlikka berilib qiyinchilikka duch keldik.
Afsuski, bugungi o‘yin taqdirini asosiy bo‘limlarda hal qila olmadik. Vaziyatni yanada yaxshiroq nazorat qilishimiz kerak edi. Italiya Kubogi – bizning asosiy maqsadimiz, shu sababli g‘alaba qozonish va keyingi bosqichga yo‘l olishimiz shart edi.
Kulushevski? U juda yosh va u A Seriyaning butun mavsumini o‘tkazdi. Uning o‘yinlarida o‘sish va pasayishlar bor, u 90 daqiqa mobaynida barqaror bo‘lishi kerak, raqib darvozasi oldida yana-da hal qiluvchi rolida yaxshiroq o‘ynashi va "Yuventus"dagi har bir gol qadrli ekanligini anglashi kerak.
Gohida bizga konsentrasiya yetmayapti, ayniqsa, hisobda oldinda borayotganimizda, shu sababli, o‘yinni nazorat qilish fazilatimizni yanada oshirishimiz kerak», - dedi Pirlo.
