Туриннинг «Ювентус» клуби бош мураббийи Андреа Пирло ўз майдонида «Женоа» устидан Италия Кубоги доирасида қўлга киритилган ғалаба ҳақидаги фикрлари билан ўртоқлашди.

«Вазиятимизни ўзимиз оғирлаштириб олдик. Биринчи бўлимни яхши ўтказдик, кейин эса хотиржамликка берилиб қийинчиликка дуч келдик.

Афсуски, бугунги ўйин тақдирини асосий бўлимларда ҳал қила олмадик. Вазиятни янада яхшироқ назорат қилишимиз керак эди. Италия Кубоги – бизнинг асосий мақсадимиз, шу сабабли ғалаба қозониш ва кейинги босқичга йўл олишимиз шарт эди.

Кулушевски? У жуда ёш ва у А Сериянинг бутун мавсумини ўтказди. Унинг ўйинларида ўсиш ва пасайишлар бор, у 90 дақиқа мобайнида барқарор бўлиши керак, рақиб дарвозаси олдида яна-да ҳал қилувчи ролида яхшироқ ўйнаши ва "Ювентус"даги ҳар бир гол қадрли эканлигини англаши керак.

Гоҳида бизга концентрация етмаяпти, айниқса, ҳисобда олдинда бораётганимизда, шу сабабли, ўйинни назорат қилиш фазилатимизни янада оширишимиз керак», - деди Пирло.