Italiyaning «Milan» hujumchisi Zlatan Ibragimovich klub bilan tuzilgan shartnomasi haqida fikr bildirdi. Ma’lumki, shvesiyalik hujumchining «rossonerlar» bilan amaldagi shartnomasi shu yilning yozida yakuniga yetadi.
«Bugun o‘zimni yetakchidek his qilyapman. Jamoa mening ortimdan ergashmoqda. Biz ishlayapmiz va mashaqqat chekyapmiz. Natijalarda esa barchaning hissasi bor.
Biz ajoyib ishlarni amalga oshiryapmiz, lekin hozircha hech narsa yutmadik. Hali erta, oldimizda ko‘plab o‘yinlar turibdi, lekin biz chegara bilmaymiz.
Men qancha o‘yin o‘tkazganim haqida gapirishni istamayman, bu meni yoshim o‘tib borayotganini eslatadi. Hozircha o‘zim yaxshi his qilyapman va o‘ynashda davom etaman. Keyin esa shartnoma haqida gaplashamiz», - dedi Zlatan.
