Италиянинг «Милан» ҳужумчиси Златан Ибрагимович клуб билан тузилган шартномаси ҳақида фикр билдирди. Маълумки, швециялик ҳужумчининг «россонерлар» билан амалдаги шартномаси шу йилнинг ёзида якунига етади.
«Бугун ўзимни етакчидек ҳис қиляпман. Жамоа менинг ортимдан эргашмоқда. Биз ишлаяпмиз ва машаққат чекяпмиз. Натижаларда эса барчанинг ҳиссаси бор.
Биз ажойиб ишларни амалга оширяпмиз, лекин ҳозирча ҳеч нарса ютмадик. Ҳали эрта, олдимизда кўплаб ўйинлар турибди, лекин биз чегара билмаймиз.
Мен қанча ўйин ўтказганим ҳақида гапиришни истамайман, бу мени ёшим ўтиб бораётганини эслатади. Ҳозирча ўзим яхши ҳис қиляпман ва ўйнашда давом этаман. Кейин эса шартнома ҳақида гаплашамиз», - деди Златан.
