Moskvaning "Lokomotiv" klubi yarim himoyachisi Jasur Jaloliddinovning agenti Yuriy Belous futbolchining kelajagi borasida to‘xtalib o‘tdi.

«Jaloliddinov dastlab «Tambov»ga keldi, so‘ngra uni O‘zbekiston yoshlar terma jamoasiga taklif etishdi. Ammo koronavirus tufayli yoshlarning o‘yini bekor qilindi. Jasur o‘tgan yilni juda yomon o‘tkazdi: dastlab O‘zbekiston chempionati koronavirus tufayli to‘xtatildi, u ikki oy davomida Rossiyaga kela olmadi. U «Tambov»ga kelganida esa turli sabablarga ko‘ra mavsumga tayyor emasdi. Futbolchi individual tarzda qanchalik shug‘ullanmasin, murabbiy bilan ishlashi butunlay boshqa narsa.

Xorij klublaridan Jasurga takliflar bor. Buni «Lokomotiv»ning yangi rahbariyati bilan muhokama qilamiz, futbolchining kelajagini «Tambov» va «Lokomotiv» bilan maslahatlashgan holda hal qilamiz. Jaloliddinov «Tambov»da qolmaydi. Bu aniq. O‘yinchining keyingi faoliyati borasida muammo yuzaga kelmasligi kerak», — dedi Belous «Chempionat» muxbiri bilan suhbatda.