Mesut O‘zil «Arsenal»dagi yetti yarim yillik faoliyatidan so‘ng, Turkiyaning «Fenerbaxche» klubiga ko‘chib o‘tishga qaror qildi.

7 martdan beri maydonga tushmayotgan O‘zil 350 000 yevro haftalik maoshini bekor qilgandan so‘ng, turk klubiga erkin agent sifatida borib qo‘shiladi. Hali rasman ikki jamoa tomonidan kelishuv e’lon qilinmagan bo‘lsa-da, bu haqda O‘zilning o‘zi gapirib o‘tgan. U Turkiyaning «NTV» kanali bilan uyushtiriladigan intervyu oldidan juda ham hayajonlanayotganini va dushanba kuni ertalab Istanbulga yetib borishini aytgan.

“Men «Fenerbaxche» muxlisiman. Shuning uchun ham Turkiyaga «Fenerbahche» uchun kelyapman. Juda ham hayajondaman. Alloh menga «Fenerbahche» libosini muhlis sifatida kiyishni nasib qilgan. Yaratganga shukurlar bo‘lsinki, endi bu libos bilan futbol o‘ynayman va klub uchun hamma narsa qilishga tayyorman. Bu men uchun sharaf”,-dedi O‘zil