Italiya chempionatining 18-turi doirasida «Kalyari» – «Milan» uchrashuvi bo‘lib o‘tdi.

Bahsning 7-daqiqasidayoq mezbonlar darvozasi tomon penalti belgilandi. Jarohatidan sog‘ayib safga qaytgan Zlatan Ibrahimovich undan samarali foydalanib, hisobni ochdi.

Ikkinchi bo‘lim boshida esa shvesiyalik futbolchining o‘zi hisobdagi farqni ikkitaga oshirdi.

O‘yin tugashiga 16 daqiqa o‘tib "Milan" hujumchisi Salemakers maydondan chetlatildi. Shunga qaramay, "Kalyari" javob to‘pini kirita olmadi.

Ushbu g‘alabadan keyin "Milan" o‘z ochkolarini 40taga yetkazib, A seriyada peshqadamlikni mustahkamladi.

Italiya chempionati, 18-tur
Kalyari – Milan 0:2 (0:1, 0:1)
Gollar: 0:1 – 7, penalti Ibrahimovich, 0:2 – 52 Ibrahimovich.
Kalyari – Kranyo, Dzappa (Pavoletti, 79), Godin, Cheppitelli, Likoyannis, Marin, Pereyro (Sottil, 57), Joao Pedro, Dankan (Oliva, 69), Nainggolan, Simeone (Cherri, 80).
Milan – Donnarumma, Romanyoli, Diogu Dalot, Kalabriya, Kyer (Kalulu, 46), Tonali (Meyte, 72), Kastilyexo, Xeuge (Salemakers, 66), Kessie, Braim Dias (Konti, 83), Ibrahimovich.
Ogohlantirishlar: Romanyoli (39), Salemakers (68), Godin (83), Cheppitelli (88).
Chetlatish: Salemakers (74).