Bugun — 19 yanvar, seshanba kuni klublar o‘rtasidagi jahon chempionatiga qur’a tashlandi. Musobaqada 6ta klub ishtirok etadi. Ular:

«Bavariya» (Germaniya) – yarim finaldan boshlab
Braziliya klubi – yarim finaldan boshlab
«Tigres» (Meksika)
«Ulsan Xyonde» (Janubiy Koreya)
«Al-Ahli» (Misr)
«Duhayl» (Qatar)

Okeaniya qit’asi klublar o‘rtasidagi turniri g‘olibi "Oklend Siti" turnirda qatnashishdan bosh tortdi. Shu bois, turnirda saralash pley-off bosqichi o‘tkazilmaydigan bo‘ldi.

Qur’a natijalari bilan tanishing:

Chorak final, 4 fevral

04.02. «Tigres» (Meksika) – «Ulsan Xyonde» (Janubiy Koreya)
04.02. «Duhayl» (Qatar) – «Al-Ahli» (Misr)

Yarim final, 7–8 fevral

07.02. Libertadores kubogi g‘olibi – «Tigres» / «Ulsan Xyonde»
08.02. «Duhayl» / «Al-Ahli» – «Bavariya» (Germaniya)

Musobaqaning yana bir ishtirokchisi 30 yanvar kuni bo‘lib o‘tadigan «Palmeyras» va «Santos» klublari o‘rtasidagi Libertadores kubogi final uchrashuvidan so‘ng ma’lum bo‘ladi.